Videoclip "Scheinwelt"

mimamu-makedra

Music Video Day

Am Kader vun der SCRIPT-Offer 'Music Video Day' huet d’Ekipp vu 'mimamu (Mir maache Musek)'-'makedra (Maach (k)een Drama)' zesumme mam Cycle 4.1 aus der Grondschoul Campus Helperknapp e Videoclip produzéiert.

D’Klass huet en Text zum Thema 'screen-life balance' geschriwwen. De Songtext 'SCHEINWELT' gouf doropshi vu 'mimamu' als Lidd produzéiert.

De Videoclip ass innerhalb vun zwee Schouldeeg mat der Ekipp vu 'mimamu-makedra' um Campus Helperknapp gedréint ginn. Dobäi koumen och Kameraen an den Asaz an d’Kanner hunn, nieft dem Sangen, Musizéieren a Schauspillen, och aktiv mat gefilmt an Zeenen zum Thema fräi erfonnt a produzéiert.

Si hunn sech an Interviews zum Projet, mee och zu hirem Ëmgang mat Medien an dem Handy ganz fräi an éierlech geäussert.

Ee grousse Merci un d’Klass fir déi super Aarbecht an deen immensen Engagement.

Kuckt iech de Videoclip elo eemol un.

Vill Spaass!